آإٌلٌفَرٍرٌآقُ , عروس , قٌصٌيَدٌهٍ , قُوٌيٍـٌهً
قٌصٌيَدٌهٍ قُوٌيٍـٌهً عٌنٍ آإٌلٌفَرٍرٌآقُ
السلام عليكم ورحمة الله وبركاته .~
قصيده اعجبتني جداااااا عن الفراااق...قٌصٌيَدٌهٍ قُوٌيٍـٌهً عٌنٍ آإٌلٌفَرٍرٌآقُ
عقب البطا لاقيت ظافي الجديلات = ياليتنا عقب البطا ماالتقينا
سلمت وقلت لنور عيني سلامات = وش غيًرك ويش السبب ما تبينا
دنق وقال ارجوك إنه العلاقات = شيٍ حصل ماعاد هو في يدينا
قلت السبب قال الليالي غريبات = إنه العلاقه واعتبرنا انتهينا
انا بحبل انسان ماهي دعايات = ارجوك ابعد خايف انًه يجينا
طالعت فيه وهلت العين عبرات = في ساعةٍ غصبٍ علينا بكينا
حاولت اعبر عن همومٍ خفيات = بس الحكي شيفيد مهما حكينا
كتمتهن بالجوف لوهن قويات = راضي على ماصار لو مارضينا
وآخر كلامه قال لي كم كلمات = لاتسيء ضنك في غصبٍ علينا
وقمت اتذكر كل شيٍ لنا فات = قبل ايتغير بالمحبه حدينا
ياما سهرنا بأظلم الليل ساعات = وياما طلع نور الفجر مادرينا
وياما لنا فوق المراقيب ذكرات = وعلى جبال الزور ياما رقينا
وياما تحملنا الصعوبات مرات = وياما على سود الليالي شكينا
على زمانٍ فات جريت ونات = لو هن على ضلعان مكه تلينا
اقرا الموادع بالقصص والروايات = لاشك ماضنيت بيصير فينا
وارجع واكرر كلمةٍ لي بسكات = ياليتنا عقب البطا ماالتقينا
