ياحبيب الروح وش غيرك ما ترحـم وتـاوي
لا تقول انك يتيم البعد واشعـل فيـك نـاره
تعرف اني لك مداوي والجروح الها مـداوي
التعب ولآ زمانـه والخطـر زحنـا ستـاره
والطلاسم لو تعقـد فـي فـؤادك يالهـواوي
يشهد الله ما نخلـي ساحـرك ينعـم بـداره
من نسج خيط الوفاء يلقى على دربه مخاوي
وان تطاول ع الغصون اليانعه نهـدم جـداره
وان منع قلبه عن الشر يعتبر للخيـر نـاوي
الخفايـا واضحـه والحـق لابـد انتصـاره
يامجاهيم الفكـر وش ينتظرقلـب الخـلاوي
الوله جهزجيوشه والحشـى للجيـش غـاره
من تصاريف الزمن جاني على ذكـراك لاوي
ياونيس القلب لا تسدل على وجهـك خمـاره
زبن اللي تحت ظل الرمش في عينيك هـاوي
علني احرز بعض ماراح في عصر الحضـاره
اختنق قلبي من الاشواق والحرمـان كـاوي
وانكسر فانوسي السحري وقلبك في مطـاره
ما تعلمت السباحـه فـي خيالـي ياالحيـاوي
ياذكي العقل نجمك في السماء غيـر مـداره
إي معنى للهواء يا صاحب القلـب الشقـاوي
مأتم الهجران اخذ له بيـن وجناتـك منـاره
جف كاسك وانسقم فكرك وحاطتـك البـلاوي
وأنت في كهف الحزن تشرب من العلقم مراره
ارحم القلـب المعـذب لا تزيـده بالشكـاوي
حرره مـن قيـد حبـك دام بيدينـك قـراره
لا تساوم في غرامك صاحب القلب الفـداوي
ارق هامات السحب واتبع عطارد في مسـاره
وان تعذر هاجسك وعياك عن حث الخطـاوي
عظم الله اجر قلـبٍ فيـك حطـك فالصـداره